好聲好氣咗好耐，終於忍唔住要講
成日掛住批鬥人、捉偽黃同舉報藍店嘅人
你哋根本唔肯面對自己又懦弱又懶，先成日喺度做埋啲自以為夠激進又冇用（甚至有害）嘅事
你哋唔敢好似啲勇武手足咁儲軍火、打黑警
又冇耐性冇毅力好似其他努力打國際線、籌劃組織、精進自己嘅手足咁日日為光復香港而耗盡心神
你哋只係面對極權感到無力，唯有將一腔怒氣發洩喺身邊最「易對付」嘅人身上，但從來唔思考咁樣係咪有助於革命，只係射完舒服咗就算，仲要覺得自己「做咗嘢」
黃店被搞，你哋「以其人之道還治其人之身」嘅方法竟然就係打算配合政府嘅篤灰機制，以為可以利用黑警去對付返藍店，係唔係想笑死對家？
更莫講你哋成日喺度批鬥邊個「唔夠黃」、邊個「偽黃」，屌呢個明星唔發聲，捉嗰間舖頭老闆唔貼文宣，呢類咁on9同趕客嘅行為
就算畀你批鬥到所有港豬、偽黃、藍絲全部唔敢出聲坐喺屋企喊又點？極權係咪就會消失？中共係咪就會洗心革面？香港係咪就會一天都光晒？
最好笑係你哋每次受到批評（甚至只係同路人嘅善意提醒），都會即刻跳掣，搬「咁樣（唔批鬥人）對唔對得住犧牲咗嘅手足」 /「咁唔通咩都唔做呀」嚟反駁
你哋冇資格借真正為革命而犧牲嘅手足之名抬高自己做呢啲on9嘢嘅價值
好多文宣手足已經列出過大把更有意義嘅實事可以做，只係你哋懶到仆街，以為自己做呢啲on9嘢已經好有貢獻
我講呢番說話唔係為咗自命清高或割蓆，而係希望仲肯接受人哋意見嘅同路人可以思考下
唔啱聽嘅歡迎unlike，我仲有大把事忙，唔得閒同人嘈了🙂
Search